Ligue Haïti
Broutons hors du territoire national les Impérialistes Français,Américains,Canadiens et leurs laquais tapis à travers la Minustha

Accueil > National > Ayisyen nan Georgia leve kanpe

Ayisyen nan Georgia leve kanpe

vendredi 30 mars 2012, par Herns Mesamours, Jean Marc Poisson

Ayisyen nan Georgia leve kanpe !
Samdi 21 avril 2012

Nan yon gro sitin kap koumanse 9 e nan maten devan

Georgia World Congress Center
285 Andrew Young International Blvd., NW
Atlanta, Georgia 30313-1591

Ayisyen nan georgia eske nou pa renmen peyi dayiti anko ?

Ayisyen nan georgia eske kob yap pran sou nou sou zafe transfe a pa fe nou mal ?

Ayisyen nan Georgia eske kob yo mete sou chak tike nap achte pou rantre nan peyi dayiti pa fe nou mal ?

Ayisyen nan georgia eske kob yo ogmante sou zafe paspo nan diaspora a pa fe nou mal ?

Ayisyen nan Georgia eske nou pa we dirijan toujou ap kreye kriz nan peyi a san rezoud problem pep la ?

Ayisyen nan Georgia eske nou dako pandan peyi a pa gen bidje, se letranje kap lonje nou lanme pou yon konsila genyen 6 vis konsil ladann ki pap regle anyen vre nan kominote a san konte lot fo pos yo kreye pou bay ti fanmi djob ?

Ayisyen nan Georgia eske nou konnen yo revoke yon bann anplwaye kite nan kek konsila paske yo pa pataje menm opinion ak seri de neg kin an pouvwa a ? Eske chak sitwayen pa gen dwa pou l di sal panse sou kesyon nasyonal yo ? Eske yon moun sipoze revoke pou pozisyon politik li pandan li ka sevi peyil ak konpetans li ?

Ayisyen nan Georgia eske lajan yap pran sou nou sou chak apel nou fe pou n rele Haiti pa fe nou mal ?

Ayisyen nan georgia eske nou pata renmen we yon ayiti kote dwa ak libete moun respekte ?

Ayisyen nan Georgia eske nou pata renmen we avni timoun, jenn gason ak jenn fi ki nan peyi a ?

Ayisyen nan Georgia eske nou renmen jan dirijan yo ap Mennen bak peyi a ?

Ayisyen nan Georgia eske nou pata renmen we nouvo konstitisyon an pibliye pou nou gen dwa pou nou vote ak tout lot atou ki ladann anko ?

Ayisyen nan Georgia eske nou pata renmen we ekonomi peyi a progrese pou travay blayi sou tout pitit peyi a ?

Ayisyen nan Georgia eske nou pata renmen retounen nan peyi a pou ede konstri yon lot ayiti ? Eske nou pata renmen retounen al envesti nan zon lakay nou pou n pemet ekonomi peyi a mache pibyen ?

Ayisyen nan Georgia eske nou pata renmen we nou jwenn bon jan sevis nan konsila ayisyen an san problem, kote yo pa kondane w pou opinion politik ou ?

Tout jenn gason ak jenn fanm Jodi a ki konnen tout desizyon de grenn goch dirijan jodi a ap pran se yo ki pral peye sa pi douvan, vini mete vwa nou ansanm pou di non ! Tout granmoun ki panse fok genyen yon avni miyo pou moun kap vini deye yon an sosyete a, tout moun ki panse fok peyi a pa divize nan entere pesonel, nan kreye ti group pasipala, ann mete vwa nou ansanm pou n charye revandikasyon nou yo pou dirijan yo pran men yo, paske peyi a se pou tout ayisyen !

Pou tout rezon sa yo nou site a ak anpil lot ke nou pa gen site, si w santi ou konsene nap tann ou ! ‘’ Pa genyen kanpe a kote se ka nou tout ki grav ‘’ avan pita pa vini pitris vini mete vwa pa w ak vwa pa nou pou n mande egalite pou tout moun san diskriminasyon, pou n mande pou dwa dyaspora a respekte, pou n mande ekip an plas la sispann konsidere moun ki nan diaspora a tankou yon bef le yo vle yo vini bwe let !

Venez nombreux, avec vos banderoles, panneaux, tracts, sifflets, megaphones et « particularités locales »

Nous faisons appel à tous les fils et filles authentiques d’Haiti de la georgie et des zones avoisinantes, car ce sont, votre solidarité, votre motivation et votre dévouement qui font la force de la communaute.

Pou tout lot emfomasyon rele nou !

Viv yon ayiti miyo kote dwa tout moun respekte, kote chak vwa konte !

Depi gen jenn gason ak jenn fanm ki kanpe, ayiti paka peri !

Herns Mesamours
Albany State University
Albany, Georgia
(229) 364-8330
(229) 338 8721

Jean Marc Poisson
Atlanta, Georgia
(202) 656-3802

Répondre à cet article