Ligue Haïti
Broutons hors du territoire national les Impérialistes Français,Américains,Canadiens et leurs laquais tapis à travers la Minustha

Accueil > National > Manifestation à NY

Manifestation à NY

jeudi 22 mars 2012, par Annette Dessources , Guinsly Etienne

Fanmi Lavalas New York Anonse Manifestasyon Nan Dat 24 Mas 2012 Pou
Denonse Konplo Jenosid Kont Pèp Ayisyen An ***
* *
Brooklyn, NY, 10 Mas 2012 – Fanmi Lavalas New York anonse yon kokenn chenn
manifestasyon nan jou ki ap Samdi 24 Mas 2012 a 11è dimaten, pou denonse
konplo jenosid kont pèp Ayisyen an. *Nou di non, non, non !* *Konplo sa a
pap pase !* N ap adrese n a sila yo ki vle fè kwè yo se demokrat pandan y ap
met lakrentif nan kè kretyen vivan. Nou di sila yo ki ap arete, menase ;
touye, boule ; kase & kidnape se pou yo sispann paske patwon yo pap ezite
pase yo alenfinitif apwe li finn sèvi avèk yo tankou Remissainthe Ravix.

Reyalite jody a se :

· Yon prezidan ki monte sou pouvwa avèk konplisite grand pisans yo
ki gendwa pa menm Ayisyen,
· Ansyen ak nouvo militè ak gwo zam fann fwa ki ap antrene an
vyolasyon lwa peyi a ;
· Otorite Meriken tankou Sekretè Deta Hillary Clinton, mari li,
Bill Clinton ak Anbasadè Kenneth Merten ki ap fè enjerans nan zafè entèn
peyi Dayiti kont tout lwa entènasyonal ;
· Ensekirite a ki vinn ogmante anpil ;
· Menas lanmò ak arestasyon ki ap fèt kont ansyen Prezidan Aristide
pandan ke ansyen diktatè Jean claude Duvalier ap sikile lib & libè ;

Se sa k fè òganizasyon Fanmi Lavalas New York mande tout Ayisyen & etranje,
zanana kòm pengwen pou vinn sipòte manifestasyon Samdi 24 Mas 2012 la a 11è
dimaten.

Rasanbleman ap fèt nan antre Prospect Park nan Brooklyn ; ki sitiye nan kwen
Ocean Avni ak Parkside Avni. A Midi, n ap kòmanse mache sou Parkside nan
direksyon Flatbush Avni. N ap vire a dwat nan Flatbush, a goch sou Church
Avni & a dwat sou Nostrand Avni. N ap sonnen you kout klewon devan Radyo
Soley, apwe sa n ap kontinye mache pou sonnen yon kout lanbi devan Radyo
Panou. Finalman n ap kontinye mache rive sou Foster Avni kote manifestasyon
an ap fini.

Nou mande pou tout moun nan kominote a ki enkli Ayisyen & etranje, pou vinn
sipòte manifestasyon sila.
*Okipe Wall Street & Okipe Ayiti ! Se menm batay la !*
* *
*Pou plis enfòmasyon :*
* *
*Kontakte :* Guinsly Etienne & Annette Dessources**
*Òganizasyon :* Fanmi Lavalas New York**
*Telefòn :* 347-927-0282**
*Imel : *fanmilavalasny chez gmail.com**

Répondre à cet article