Ligue Haïti
Broutons hors du territoire national les Impérialistes Français,Américains,Canadiens et leurs laquais tapis à travers la Minustha

Accueil > National > Ochan pou Gérard Murat !

Ochan pou Gérard Murat !

jeudi 14 juillet 2011, par Jean-Gabriel Augustin

Gérard Murat, menm jan avèk anpil nan nou, ou te di ou kwè nan yon lide

Menm jan avèk nou, ou te di lide sa a ka ede chanje kondisyon mas yo

Menm jan avèk nou, ou te di lide sa a ka ranvese rapò ant klas sosyal yo

Menm jan avèk nou, ou te di lide sa a ap bon pou peyi a tout bon

Menm jan avèk nou, ou te di wap defann lide sa a

Menm jan avèk nou, ou te di wap goumen pou lide sa a

Menm jan avèk nou, ou te di wap viv pou lide sa a

Menm jan avèk nou, ou te di wap mouri pou lide sa a

Nan mitan batay pou chanjman ak amelyorasyon kondisyon moun nan peyi a

Anpil nan nou abandone lit la pou fanmi nou, men pa ou menm

Anpil nan nou abandone lit la pou lajan, men pa ou menm

Anpil nan nou abandone lit la pou pouvwa, men pa ou menm

Anpil nan nou sispann kwċ nan bel lide sa a, men pa ou menm

Anpil nan nou sispann defann lide sa a, men pa ou menm

Anpil nan nou sispann goumen pou lide sa a, men pa ou menm

Anpil nan nou sispann viv pou lide sa a, men pa ou menm

Anpil nan nou sispann vle mouri pou lide sa a. men pa ou menm

Ou menm Gérard, ou pa janm flechi, ou rete drèt nan lit la

tankou tij kann kap seye grate vant syèl a

Ou goumen, ou defann lide a jouk nan bout lavi ou

Gérard, jodi a, se ta ka fineray ofisyèl, nasyonal pou Doktè a, Direktè a, Depite a, Senatè a, Anbasadè a oubyen Minis la, men se pa sa w te vle

Konviksyon w ak detèminasyon w fè w te dedye vi w pou kòz travayè ak peyizan yo

Pou tèt sa, Gérard, ou pap janm disparèt nan kè nou ak nan memwa nou

Ou se yon bèl ekzanp pou nou menm ki vivan toujou

Répondre à cet article