Ligue Haïti
Broutons hors du territoire national les Impérialistes Français,Américains,Canadiens et leurs laquais tapis à travers la Minustha

Accueil > National > RASANBLEMAN PWOGRESIS SID (R.P.S)

RASANBLEMAN PWOGRESIS SID (R.P.S)

jeudi 10 novembre 2011, par Jn Claudy Aristil , Jn Frisien Estimé

Okay, 6/11/11
Nòt Pou Laprès
Yon lòt fwa ankò pèp ayisyen sèmante nan lonè respè ak diyite pou li di ak tout fòs li non a Ministah non a lokipasyon etranjè.

Depi prezans Ministah nan peyi Dayiti nan lane 2004 se anpil milyon dola vèt ki depanse pou lokipasyon an, sa vle di ki depanse nan non pèp ayisyen, men se pito nan pòch gwo fonksyonè Ministah, ofisye Ministah ak sòlda lajan sa a ale.
Ministah se yon sous gagòt tribò babò pou mande ak prete lajan sou do pèp ayisyen pandan ti malere, malerèz ap vin pi pòv chak jou pi plis. Non sèlman Ministah ap boloze nan lajan se chak jou pi plis yap vyole, maspinen, masakre ak touye pitit tè Dayiti. Nan sans sa a nou pa ka bliye zak vyòl 4 sòlda irigweyen ministah sou Jhony Jean nan pòsali sid Dayiti nan mwa jiyè 2011 lan.
Nou pa ka bliye tou se Ministah akòz neglijans, malonèt ak san respè pou pèp ayisyen, ki rive fè maladi kolera blayi sou tè Dayiti e pote ale pa bann e pa pakèt plis pase 12 mil moun nan yon ti kras tan. Se Ministah ki vin ak kolera nan peyi Dayiti, pat janm gen kolera bò isit. An nou ranmase tout fòs nou, pou nou dechouke ministah pandan tou nou pa vle lame kraze zo ki espesyalize nan koudeta pou tiye plis pase 3 mil moun ant lane 1991-1999 a
Pèp ayisyen bouke, li pa kapab ankò li vle rale yon souf. Li pa vle fòs lokipasyon e li sèmante 7 fwa swasantdisèt fwa li pap tounen nan lame bout di. Altènativ se ranfòse polis nasyonal la, nan ba polisye yo bonjan kondisyon pou yo travay.
Pou RPS :


_________________
Céline Lajoie Jean Fricien Estimé

Répondre à cet article